當見到妳望住我果陣，我仍然係到諗：我係咪已為人父？
睇住妳訓在我懷裡，心入面又真係幾開心！(雖然俾人話好危險)
一轉眼，妳在哭的時候，我清楚地有答案了。『我做左人爸爸喇！』
可愛的腳仔未來，要妳走既路仲非常長。
可惜老豆同媽媽沒辦法陪伴妳走完全程。
但係妳要知道，老豆同媽媽是永遠愛妳的。
以後，無論妳有任何的困難與煩憂，妳的背後永遠有爸爸同媽媽。
纖纖小手等長大後，就會唔知邊條友拖走....
要錫妳、同你訓都只可能趁妳仲細的時候。等妳長大了，讀書喇，我估想妳一定唔鍾意老豆又攬又錫妳的。
女呀女，妳要知道，老豆同阿媽是永遠愛妳既。雖然係妳年紀細既時候，妳一定會覺得爸爸媽媽識好多野，好叻。但係妳要知道，爸媽係會老的。
咁如果有一日，爸媽年華老去，我地兩個變得囉嗦，跟不上時代了，都希望，妳不好嫌我地煩好嗎？(同樣地我都明我依家應該點去對妳嘛嘛) 一家人永遠都係一家人，愛妳既心係永遠不會變。
最後，妳要記得，有一日到妳要嫁人果陣，如果可以，都請妳得閒返來等爸媽睇下妳。等我們安心。
來到呢到...寫到我好似就死咁XDDD
都係唔寫了~
0 留言